Category Archives: Idees vir Sondagskool Kleuterkerk Bybelklubs

Idees vir volwassenes wat kinders van God probeer leer

Kinderkerk of Sondagskool?: Voor- en nadele van om kinders in klein of groot groepe te bereik.

Dit is deesdae algemeen in groter gemeentes om nie meer klasse te hou met so 4-9 kinders nie, maar eerder al die kinders in die saal bymekaar te kry vir ‘n les. Wat is die voordele van elke benadering?

 

Voordele van groot groepe:

  • Lofprysing en ander sang werk beter in groot groepe.
  • Dis dalk makliker in jou kerk om een mens te kry met die visie om les te gee vir 40 kinders as om 5 te kry wat wil les gee vir 8 kinders elk. Dis ook minder moeite om voor te berei.
  • Om lesse te illustreer is goedkoper en makliker. Een stel prente op papier, of een projektorskerm, kan gebruik word vir al die prente van ‘n les.
  • Die kind kry die boodskap dat hy nie bloot iets hoor wat net bedoel is vir een klein groepie nie, maar dat die boodskap vir almal bedoel is.

Continue reading

Die beste geskenk – kinderles wat by Paasfees aansluit

Die beste geskenk

‘n Boodskap oor wat Jesus kom doen het, ook geskik as ekstra aktiwiteite vir Paasfees (aansluiting by wat Jesus kom doen het) of Kersfees (aansluiting by geskenke).

Doelwit: Om die kind te laat dink oor wat Jesus kom doen het, om die evangelie te verstaan en te verkondig.

Jy benodig: Continue reading

As ek vir tieners sou Sondagskoollesse geskryf het, wat sou ek hulle vertel het oor seksualiteit? Deel 1

Hierdie gedagtes pen ek neer ter wille van jeugleiers/Sondagskool-onderwysers wat dalk ook oor die saak dink, of iets wil byvoeg by wat hulle aan die jongmense oordra. Dalk gee iets hieronder jou idees. Dalk kan jy iets byvoeg in die kommentaar wat vir mense beter idees kan gee. Dalk kan jy vertel waarom sekere idees hieronder nie goed is nie.

1) Ek sou nie ‘n dag opsy gesit het vir ‘n les spesifiek oor seks en wat die Bybel daaroor vertel nie.

Seksualiteit is nie ‘n aparte saak wat niks met iets anders te doen het nie.

En volgens die media het seks met alles te doen: Die klere wat jy dra moet sexy lyk; byna elke fliek – of dit aksie of drama of komedie of wetenskapfiksie is – het minstens een spring-in-die-bed toneel; en self polisie-ondersoeke in flieks maak dit dikwels nodig om minstens een ontklee-klub te besoek.

Dis dalk beter om seksuele toepassings, nes enige ander toepassings, te maak waar seksualiteit by die hooftema van jou les aansluit: As die tiener sy medemens moet liefhê soos homself (dis heel moontlik ‘n tema in een van jou lesse), wat vertel dit van die soort dade in pornografie, waar net een party se behoeftes sentraal staan? As haar liggaam God se tempel is (ook ‘n potensiële lestema), wat leer dit haar oor onder meer haar seksuele gedrag?

Toepassings oor seksualiteit kan wees onder die toepassings wat gemaak word oor byvoorbeeld: Continue reading

As ek vir tieners sou Sondagskoollesse geskryf het, wat sou ek hulle vertel het oor seksualiteit? Deel 2

<< Vervolg vanaf hier.

6) Ek sou in gedagte hou dat baie van hulle se eerste kontak met seks nie hulle keuse was nie.

Niks wat ons vertel mag veroordelend klink vir ‘n jongmens wat misbruik is nie. Party van wat ons vertel moet oor genesing praat – ‘n God wat al die trane sal afdroog, wat ‘n geknakte riet nie afbreek nie. Continue reading

Liedjie-woorde: vir kinderbediening

children-singing-hiHierdie is ‘n paar liedjies waarvoor ek op ‘n stadum ekstra verse geskryf het. Dalk kan jou gemeente iets hiervan gebruik:

Dankie (“Dankie vir elke nuwe môre”)

Dankie vir Jesus aan die kruis/ dankie, U stuur die Heil’ge Gees/

Dankie dat U(-u) my so liefhet/ ek U kind kan wees Continue reading

Ienie, mienie, maainie, mou – Watter kategese-materiaal moet my gemeente kies? Deel 7: Wat van tieners en kleuters?

As jy jouself afvra wat jou gemeente vir kategese of Sondagskool nodig het wil jy sekerlik nie net die laerskoolkinders goed bedien nie. Jy dink ook aan die tieners en hopelik selfs die kleuters. Om eerlik te wees kan ek geen kommentaar op tienermateriaal lewer nie en min op kleutermateriaal. Hierdie is ‘n lys van skakels na voorbeelde van sulke materiaal. Die voorbeelde kan jou help om self te evalueer wat jou gemeente nodig het. Continue reading

Ienie, mienie, maainie, mou – Watter kategese-materiaal moet my gemeente kies? Deel 6: Voorstelle en vergelyk van materiaal

Ek dink werklik daar is minstens 4 goeie soort kategesemateriaal beskikbaar. Die vraag is wat jou gemeente nodig het. Hier is my vergelykende tabel van die verskillende soorte lesse, hulle benaderings en skakels na voorbeeldlesse en waar dit bestel kan word.6302031_5

En hier is ‘n paar vrae wat jou gemeente dalk kan vra oor wat julle nodig het:

Is jou kerk iets anders as NG/ Gereformeerd/ Hervormd nie, en wonder jy of die materiaal vir julle geskik is?
Eintlik is die basiese geloof wat mens vir kinders leer nie so verskillend nie, maar daar is enkele dinge in AJK en LP3/ Coolste Plan wat jy waarskynlik nie sal wil gebruik nie. Daar kan ook so iets in Modkats wees. Paidion en Lesse wat Leef adverteer hulself as geskik vir alle Christelike kerke.

Wil jy dat verskillende ouderdomsgroepe soms saam leer, maar dat dit vasgelê word in klein groepe?

Daardie metode het baie voordele (afwisseling, die wete vir die kind dat wat hy leer deel is van wat ander gelowiges ook leer, kategete hoef nie alles alleen voor te berei nie) bo klein groepies alleenlik. Modkats en Paidion is goed daarvoor, met Modkats wat ook materiaal vir eredienste by het. (Materiaal met grootgroepe en min-voorbereiding kleingroepe kan selfs ‘n manier wees om entoesiastiese kategete en diegene wat nie die tyd het vir veel meer as teenwoordig wees vir klas nie te skei: Vra vir eersgenoemde om grootgroepe ook te doen, en vertel laasgenoemde dat dit nie so baie commitment verg om net ‘n kleingroep te doen nie.)
Wil jy vir elke kategeet ‘n boek in die hand stop en vertel: “Daar is jou klas”, sonder dat hulle moet saam beplan of saamwerk?

Sulke materiaal is effens makliker op die sekretaresse wat klasse indeel. Lesse wat Leef en AJK-materiaal is goed.

Is jou gemeente klein en wil jy verskillende grade saamgooi?
(Hier noem ek tienermateriaal ook, want ‘n klein gemeente sal tieners ook in ‘n groep wil saamgooi.)
LP3 kombineer die maklikste: Gr. 1-3; 4-6 en 7-10 kan groepe maak, die lesse is dieselfde op ‘n siklus van 3/3/4 jaar. Dis egter nie materiaal wat ek aanbeveel vir kinderwerk nie. (Oor hulle tiener-stof het ek geen standpunt nie.)
Lesse wat leef: Gr. 2-3, 4-6 kan groepe maak, die lesse is dieselfde op ‘n siklus van 2/3/4 jaar. Met Gr.1’s moet jy maar ‘n aparte plan maak. Tienermateriaal bestaan uit 3 jaar se FXit en tans 1 jaar se iKonekt wat verskillende grade saam kan gebruik.
Modkats: Gr. 1-3 en 4-6 kan groepe maak, die lesse is dieselfde op ‘n siklus van 3 jaar. Gr. 7, 8,9 en 10 het elk hulle eie graadgroep- en kleingroeplesse.
Paidion: Gr. 1-3 se lesse is dieselfde op ‘n siklus van 3 jaar, behalwe dat jy in die kleingroep se doenboektyd hulle verskillende goed in hulle boeke laat doen. Dit behoort nie probleme te skep vir die kategeet om Gr. 1-3’s in een sirkel iets verskillend te laat in die boek doen nie, ek het dit al so gedoen. Gr. 4-6 se lesse is dieselfde op ‘n siklus van 3 jaar. Geen tienerboeke.
AJK is die minste vanpas vir grade saamgooi: Gr.1, 2 en 3 het elk hul eie boek, Gr. 4-6 se lesse is dieselfde op ‘n siklus van 3 jaar, van Gr. 7 af verder het elk hul eie boek.

Soek jy materiaal wat min voorbereiding verg? Kyk na die voorbeeldlesse en laat ‘n paar minder ervare kategete as ek vertel wat volgens hulle maklik lyk om voor te berei. Om soms groot groepe te doen verminder ook voorbereiding- een mens moet voorberei en nie elke kategeet nie.

(Vir wat dit werd is – en op hierdie punt is ‘n minder ervare kategeet se mening meer werd as myne: Ek dink Lesse wat Leef en Paidion gebruik maklik met relatief min voorbereiding -ek meet die voorbereiding vir Paidion as iemand wat elke 3de week grootgroep en gereeld kleingroep aanbied -, en Modkats en AJK kort meer voorbereiding. Die Coolste Plan vat die minste voorbereiding oor dit min aktiwiteit-leer insluit, of toepassings, of afwisseling – al sulke dinge is normaalweg goed wat voorberei moet word.)

Hoeveel byeenkomste het jou gemeente per jaar? Party boeke het meer lesse as ander. Kyk op die vergelykende tabel hoeveel.

Klik hier vir deel 1: Inleiding en Lesse wat Leef

Klik hier vir deel 2: Paidion

Klik hier vir deel 3: Modkats

Klik hier vir deel 4: AJK

Klik hier vir deel 5: LP3/ Die Coolste Plan

Klik hier vir deel 7: Voorbeelde van tiener- en kleutermateriaal