Glo soos ‘n kind? Jy hoef nie!

Daar is heelwat gelowiges wat sê dat hulle sukkel om “soos kinders te glo.” Ek het baie empatie met daardie standpunt. Ek kan self nie glo op die manier wat hulle van praat nie. Maar verwag die Bybel werklik dat mens moet glo sonder bevraagtekening, sonder om bewyse te soek? Ek dink nie so nie. Iemand wat nie omgee of wat hy glo waarheidsgronde het of nie, kan mos net sowel in reïnkarnasie glo, of in ‘n vlieënde spaghetti-monster. Of in enigiets anders.

 Dalk is hier nou iemand wat my wil herinner: Oppas wat jy sê, Retha! Die Bybel sê ons moet verander en soos kinders word!” As jy dit antwoord, is jy reg. Veels geluk dat jy jou Bybel so goed onthou. Matteus 18:2, om meer spesifiek te wees, sê inderdaad so. Maar daardie vers sê nie mens hoef te “glo soos ‘n kind” nie.

Die dissipels het daar gestry oor wie die belangrikste is in die koninkryk. Toe vertel Jesus hulle dat hulle soos kindertjies moet word. Hy voeg nie by: “Want kindertjies glo maklik” nie. Hy voeg by dat wie homself gering ag die belangrikste is. Babatjies stry nie oor wie die duurste bababedjie verdien nie. Kleuters stry nie oor wie die belangrikste by die kleuterskool is nie.

Het jy al gesien hoe ‘n 2 of 3-jarige seerkry, en dadelik in ‘n vertrek vol mense na sy ma hardloop vir hulp? Hy hardloop na haar, niemand anders nie, want ervaring (bewyse) vertel dat sy die een is wat hom in die verlede gehelp het. Selfs kleintjies soek – en gebruikbewyse.

 

Wat sê die Bybel dan oor die saak? Mag jy jou geloof aan bewyse toets of nie?

  • * Jesus het sy bediening begin as iemand wat al klaar bewysskrifte het uit die ou Testament se profete: Daar was onder andere voorspel dat die Messias sal afstam van Sem, Abraham, Isak, Juda, en Dawid. Daar word ook voorspel dat hy in Betlehem gebore sal word, uit die vrou se saad (ander mense kom van ‘n man se saad) en dat hy vooraf gegaan sal word deur ‘n boodskapper.
  • * Deur Jesus se lewe, sterwe en opstanding het hy voortgegaan om nog profesieë waar te maak, en dus nog meer te bewys wie Hy is. Hy bewys dit ook met wonderwerke.
  • * Jesus belowe ook tekens aan die son, maan en sterre voor Sy wederkoms.(Luk. 21:25)
  • * Toe die Fariseërs vra vir ‘n teken, het Jesus wel geantwoord dat ‘n ongelowige en ontaarde geslag ‘n teken vra, en nie een gaan kry nie. (Matt. 16: 4) Maar onder die omstandighede het Hy nie verwag mense moet glo sonder bewyse nie. Jesus het immers al klaar ‘n hele klomp van die Messias-profesieë vervul, profesieë  wat die skrifgeleerdes moes ken. Hy het ook wonderwerke gedoen waarvan die Fariseërs moes geweet het.  Dit lyk of hy daarteen was dat mense net nóg en nóg tekens vra, eerder as om te begin die rigting/ persoon volg wat deur vorige tekens aangedui is.
  • * Jesus bewys sy boodskap van dood oorwin en opstanding- deur op te staan.
  • * Toe Tomas sê hy sal nie glo voor hy sy vingers in die spykermerke gedruk het nie, het Jesus hom Sy hande gewys. (Ek vermoed die verskil tussen Tomas en die Fariseërs was dat die Fariseërs verskoning gesoek het om nie te glo nie, en Jesus het dit geweet. Tomas, het Jesus geweet, sou bereid wees om vir Hom te sterf as hy net verstaan. Buite-Bybelse geskiedenisbronne vertel ons Tomas was later met ‘n spies doodgemaak omdat Hy Jesus bly verkondig het.)

Die volgelinge van Jesus sit hierdie toets-dit-aan-bewyse patroon voort na die hemelvaart: Hulle maak beroep op ooggetuie-bewyse(1 Luk. 1:1-3; Hand. 1:3; 2:22; 26:26, 2 Pet. 1:16; Joh 1:1-3.) Boonop vra Paulus in 1 Tess. 5:20-21 dat ons profesieë moet toets.

Ek beweer nie dat daar voldoende bewyse sal wees vir elke punt in die Bybel nie. Die kleuter wat na haar ma hardloop eerder as na die ander mense in die vertrek, het nie voldoende bewyse dat haar ma wel ‘n salf vir hierdie pyn het nie. Sy het wel bewyse (alles wat Mamma in die verlede vir haar gedoen het) dat haar ma sal wil help en die pyn sal wil wegvat. 

Die evangelie van Jesus kan maar met ‘n oop kop bevraagteken word. (‘n Oop kop beteken hier een wat bereid is om die bewyse te volg, waarheen hulle ook al lei. Net ‘n waarskuwing: Om bewyse te volg as hulle in die evangelie se rigting lei,  is om jou lewe in Jesus se hande oor te gee, wat ook “tot bekering kom” genoem word. Mense soos Frank Morison en CS Lewis was oopkop oor die saak.) 

As jy dus nie kan “glo soos ‘n kind” nie, moenie bekommerd wees nie, die Bybel beveel dit nêrens nie.  Glo dan maar soos ‘n volwassene. En dalk sal jy vind, as God jou Vader word, dat “glo soos ‘n kind” iets anders beteken as wat jy gedink het. En dat dit nie so moeilik is nie.

22 responses to “Glo soos ‘n kind? Jy hoef nie!

  1. My pa sê jou geloof moet soos ‘n rots wees. Te veel debat oor die storie kan jou deurmekaar maak. Op die einde van die dag is dit maar net daai klein stemmetjie binne jou wat vir jou gaan vertel of jy reg of verkeerd is. As jy reg is en jy probeer jou lewe reg leef dan gaan jy nie oor jou geloof hoef te wy nie, want God sal altyd daar met jou wees.

  2. Wetenskaplikes glo sekere teorië en na vele navorsing en eksperimente, bewys hulle dit. Ons moet ook geloof hê en dinge op die proef stel, om die bewyse te ervaar. Ons moet ook dinge bevraagteken, om by die waarheid uit te kom. Ons moet soos ‘n kind wees, in die sin, dat ‘n kind sal, sonder oordeel, na eenvoudiges asook na vooraanstaandes luister en leer. ‘n Kind kan nou vir ‘n maatjie kwaad wees en oomblike later, speel hulle weer, heerlik saam. Bly soek en jy sal vind.

  3. Dis soms makliker!

  4. jy het die konsep van glo soos n kind heel verkeerd. om te glo soos n kind beteken as jy vir jou seun of dogter van 3 of 4 se pappa kan vir jou n lekker bring van die kafee af. dan gan hy vas glo pappa han vir my die lekker bring. en dis prisies hoe ons in God moet glo jy moenie twyfel nie, net soos jou kind nie gaan twyfel dat jy vir hom iets van die kafee sf sal bring nie. as n mens so in god glo sal jy die wereld kan beskyf.

  5. christianrethinker

    Tanya, hoe sal jy die ongelowige antwoord wat sê: “Ek kan my glad nie daarmee vereenselwig om soos ‘n kind te glo nie. Ek soek bewyse voor ek glo.” Sal jy hom vertel dat “glo soos ‘n kind” ‘n voorwaarde is voor hy iets van God kan leer? Om dit te vertel, sal hom juis wegdryf, want hy vertel mos vir jou hy kan nie!

    Ek verstaan heeltemal dat ons nie hoef te twyfel aan wat God sê nie. Maar as “glo soos ‘n kind” vir iemand ‘n struikelblok is, dan stel ek voor dat hy of sy solank die Bybel ondersoek soos ‘n denkende volwassenne.

    Jou voorbeeld van “glo dat Pa ‘n lekker kan bring” is nie so anders as my voorbeeld van “glo dat Ma die seerplek kan gesond maak” nie. In albei gevalle vertrou die kind iemand wat hy ken, nie sommer die eerste en beste persoon nie.

    My stuk sê vir die leser wat God nog nie só ken nie: Jy hoef nie net oë toe te knyp en te glo nie. Jy kan maar solank die betroubaarheid van God en sy bewerings objektief ondersoek. Om te “glo soos ‘n kind” (wat terloops, nie in die Bybel staan nie) is iets wat jy net kan doen as jy Hom as Vader aanneem.

  6. ek het gelees wat jy vir my geskryf het ek gaan vir jou bewyse bring. julle verstaan nie omdat julle als wil uit ride neur. ons koppe is te klein om God se werke te verstaan. ek gan die gesprek met ons pastoor om neem en ek gan vir jou bewyse bring. Geloof is om aan iets te glo voor dat jy dit nog kan sien.

  7. Doen my ‘n guns, Tanya? As jy na jou pastoor toe gaan, moenie net ‘n uitdruk van hierdie blogpos saamvat nie. Vat sommer ook ‘n uitdruk van my “Om Jesus te volg maak sin” bladsy saam, dan sien jou pastoor wat my uitgangspunt is. Ek sal dankbaar wees as jy so maak.

    (Ns: Retha en Christianrethinker is dieselfde persoon.)

  8. wel weet jy retha kom ons los die hele storie want jy glo jou kant en ek glo myne en dit lyk my of jy nie kritiek kan vat nie

  9. Tanya
    As ek verkeerd is, wil ek verander. Ek kan kritiek vat- kritiek met redes by. Ek sal met graagte my meningsverskil saam met jou ondersoek, dat ons saam na redes kyk.
    Jy het gesê jy sal bewyse bring,(bewyse- nou praat jy my taal!) en ek het goedgekeur dat jy my mening na jou pastoor vat. Jy is nog steeds welkom om dit te doen.

    Ek nooi jou uit-sit redes agter wat jy dink! Kan jy vertel hoekom jy van my verskil? Ek haat dit om goed “net so te los.” Ek wil altyd die waarheid soek.

  10. wel dan moet jy my net tyd gee wnt ek gan nou vir 2 weke op vankansie saam mt my familie asek terug kom gan ek eers weet ons pasttor sien en vir jou die gud kry. Lekker dag verder prt weer binne kort.

  11. ek glo daar is waarhede in altwee van julle se gedagtes. onthou ons Pappa loop met ons almal n pad en dis vir jou om meer en meer te leer uit jou gedagtes

  12. Dankie, Johann, ek glo ook God loop verskillende paaie met ons almal.

  13. Thank you.
    I added your site to my favorites.

    my site: wikilog

  14. Hi Retha. Ek sien jy fokus net op Mattheus. In Markus staan daar geskryf: “Wie die koninkryk van God nie soos ‘n kind ontvang nie, sal daar nooit ingaan nie.” Ek het die gedeelte insiggewend gevind waar jy verduidelik het dat die dissipels gestry het oor wie die belangrikste is en daarom het God die voorbeeld van ‘n kindjie wat so nederig is gebruik. Maar ek het die analogie nie bruikbaar gevind waar jy se dat kinders nie spog met wie die mooiste of die beste goed het nie. Het jy al na ‘n 3-jarige geluister as hy/sy saam met ‘n maatjie is? Spog en grootpraat is aan die orde van die dag; dink maar aan die “my pa is die sterkste” gesprekkies wat hulle voer. Ek is deur ‘n tydperk onlangs waar ek baie dinge begin bevraagteken het en dit het ‘n “kan wurms oopgemaak” om by die engelse taal bietjie te steel. My geloof het in ‘n donker gat verander en ek het ontnugter gestaan omdat ek gevra en gewonder het oor goed wat ek nou, met nabetragting, met goeie rede nie die antwoorde voor gehad het of op daardie stadium moes he nie. Ek verstaan uit hierdie skrifgedeelte dat God wil he dat ons net ten volle moet oorgee en vertrou. Jy kan jou onsekerhede met Hom deel maar moenie jou onsekerhede in vraagstukke en vraagtekens verander nie. Ek het nog nie van jou anderblogs gelees nie, so kan net op grond van hierdie een kommentaar lewer, en ek wil graag ‘n wenk gee. Onthou ‘n blog is ‘n publieke dokument en as jy nie daarvan gaan hou dat mense van jou verskil (en soms hewiglik nie) moet jy eerder in ‘n dagboek skryf wat langs jou bed le en privaat is. As iemand wat Christen blogs skryf het jy ‘n groot verantwoordelikheid. Die argumentjie hierbo tussen jou en een van die lesers is nou verewig ind ie argiewe en enige iemand (nie-Christene inkluis) sal dit vir ewig kan lees en net koppe skud.

  15. Ek het in ‘n Christenhuis grootgeword maar kan nie sommer net glo sonder om te ondersoek nie. Ek vind dit moeilik om die Bybel te aanvaar as die “Woord van God” – te veel foute (te lang bespreking vir nou hier). Dit lyk eerder of die Bybel deur intelligente mense geskryf is om minder intelligente mense mee te manipuleer (alle godsdienste, vermoed ek). Sonder die Bybel is daar geen God, geen Satan, geen engele.

  16. Tjaka, ek hoor jou. Maar ek stem nie saam nie. Vir een ding, mens moet nie die 66 boeke van die Bybel eerstens as ‘n eenheid sien nie – as jy nie saamstem met, byvoorbeeld, Genesis nie, beteken dit nie dat Jesus van die evangelies nie God was nie. (En as ek nie saamstem met hoe Ken Ham Genesis verstaan nie, beteken dit nie ek stem nie saam met Genesis nie, maar dis ‘n ander storie.)

    Vir die doel van hierdie argument, kom ons veronderstel dat daar wel foute is: Foute in van die 66 boeke sou nie vir my beteken daar is nie ‘n God nie, want my geloof is op Jesus gebou en nie op Bybel-foutloosheid nie. Jy vra dalk waar ek dan van Jesus sal kan hoor as ek nie sou dink die Bybel is foutloos nie.

    Wel, waar sou ek van Helen Zille hoor as ek nie dink koerante, die Internet of TV-nuus is foutloos nie? Die punt is, ek glo die nuusbronne kry baie meer feite reg as verkeerd oor ons politici, al is die nuusbronnne nie volmaak nie. Ek erken ook dat nie alle bronne ewe goed is nie, ek kan nie afmaak wat in koerant A staan oor ek foute in koerant B kan uitwys nie.
    Eweneens sou ek kon glo in Jesus sonder skrif-foutloosheid. Jesus het nooit geleer (ek bedoel teach, nie learn nie) dat die OT kanon foutloos is nie, nog minder die NT kanon.

    En geen Bybel sou nie beteken het dat daar geen God of engele of Satan was nie, dit sou ‘n God kon beteken wat himself op ander maniere bekend maak, of verborge bly.

  17. Ek’t dit so uitgepluis, Retha. Jy GLO, kom wat wil. Dan SOEK jy. Jy vind dan in die teologiese geskrifte (Bybel, Koran, of watookal) wat sin maak en die res ignoreer jy. Party gelowiges sê hulle het ondervind en gevind buite die teologiese geskrifte. So ek verstaan jou argument. Ek bly egter skepties oor die bestaan van God (agnosties). Dan’s my God my eie integriteit en geregtigheid soos toegepas deur geregshowe. En ons moet dan die skeppingsverhaal gaan soek by die “Big Hydron Collider” in Switserland. Was Jesus nie net ‘n charismatiese persoon, soos “profeet” Josua van Nigerië nie? Daai tyd het die ondersoekende joernalistiek nie bestaan nie. En niemand kan my antwoord nie: 1) Wie het vir God geskape? 2) Waar is die hemel? Jesus het opgevaar na die hemel en sit aan die regterhand van God. Kan ek met ‘n ruimteskip hemel toe reis? Terloops, om swart-op-wit te sê dat dele van die Bybel moontlik verkeerd kan wees is eerlik, dapper en radikaal! LOL

  18. Hierdie blog-inskrywing waarop jy kommentaar lewer gaan daaroor dat mens maar eerlik kan vrae vra. Maar die operatiewe woord is eerlik. Om te vertel dat foute beteken daar is geen Bybel en geen God nie, is soos om te vertel dat foute in die koerant beteken daar is geen nuus en geen Helen Zille nie. Dis nie ‘n eerlike omgang met beskikbare bewyse, bereid om te glo waarheen die bewyse ook al lei nie.
    Jy wat so oordeel en beskuldig oor hoekom jy dink ek glo, dit lyk vir my of 3 vingers terugwys: jy WIL NIE GLO NIE, dan SOEK jy. En dan kry jy verskonings soos “geen Bybel = geen God, wat logies glad nie tot daardie gevolgtrekking lei nie. Of “opgevaar = mens kan met ‘n ruimteskip daar uitkom”.
    (En asseblief, bly by die kommentaar beleid: Val die idee aan, nie die mens nie. As jy my probeer vertel waarom ek glo, val jy die mens aan. My vorige paragraaf reflekteer dieselfde soort beskuldiging terug na jou: As jy dit nie van my vertel het nie, sou ek jou nie van jou eie medisyne gegee het nie.)
    En ek het nie erken dele kan moontlik verkeerd wees nie, ek het gesê “vir die doel van hierdie argument”. Of te wel, jou argument lei nie tot jou gevolgtrekking nie selfs as jou argument reg is.

  19. Retha, antwoord my: 1) Wie het vir God geskape; 2) Waar is die hemel?

  20. Is jou vrae op die onderwerp van die draad? As jy ja antwoord, motiveer. (Sien my kommentaar beleid.) Ek is nie lus vir lang gesprekke met onleerbare mense nie, tensy ek by hulle iets wil leer. En in daardie geval sal ek die vrae vra.

  21. Ek glo nie soos ‘n kind nie maar ondersoek. Ook Retha kan my nie antwoord nie. Ek sluit my saak op hierdie blog.

  22. “Die evangelie van Jesus kan maar met ‘n oop kop bevraagteken word. (‘n Oop kop beteken hier een wat bereid is om die bewyse te volg, waarheen hulle ook al lei.”

    Tjaka volg “gebrek-aan-bewyse” (terwyl bewyse in ander rigtings lê) in rigtings wat hulle nie lei nie. Ek sluit my saak ook.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s