Nuwe! Verbeterde! Koppe! Lywe! Harte?

designer-baby‘n Onlangse pos by Emil oor die 23andMe genome scan raak onder andere aan die onderwerp van genetiese engineurswese.

 

Daar is ‘n hele klomp moeilike etiese vrae wat verband hou met die onderwerp, en Emil vra ‘n paar van hulle. Rustig vra ook ‘n belangrike een by daardie draad:

“Are we going to end up like the Spartans? When a baby does not meet the criteria, we destroy it? Sounds cruel, but is it not we reducing ourselves to?”

 

Daar is vanselfsprekend ‘n taamlike afstand tussen

a) ‘n vermoë om gene te ontsyfer, te weet watter geen ‘n siekte-geen is

en

b) ‘n vermoë om gene te manipuleer om van siektes en ongewenste eienskappe (bv. ‘n lae IK of geneigdheid tot depressie) ontslae te raak.

Maar die een sal noodwendig op die lang duur tot die ander lei. Teoretiese kennis sal wetenskaplikes laat vra hoe hulle daardie kennis kan toepas. Om kennis toe te pas is op sigself ‘n goeie idee, maar elke moontlike toepassing van kennis is nie goed nie.

 

 Nou ja, ek is nie so slim soos Emil nie en wil nie weer sê wat hy in elk geval goed gesê het nie. Daarom gaan hierdie pos net op een punt oor genetiese engineurswese fokus:

Is dit wat ons as mense dink dat ons nodig het, werklik wat ons nodig het? As iemand slimmer, gesonder mense wat langer leef ontwerp, maak hy werklik die wêreld ‘n beter plek?

 

‘n Geniale mens wat se werk nooit deur siekte, of gebrek aan energie onderbreek word nie, en dubbel so lank leef as die gemiddelde, kan dalk wonderlike goed regkry. As só iemand byvoorbeeld ‘n kankernavorser sou word, is sy kanse om geneesmiddels te vind seker beter as meeste navorsers s’n. Maar as hy sou kies om ‘n moorddadige diktator te wees, sal die skade wat hy kan doen soveel groter wees.

 

Een van die mees onthoubare boeke wat ek ooit gelees het was Brave New World. In daardie wêreld is almal geneties gemanipuleer sodat daar presies soveel mense as nodig vir elke beroep is. Pyn word byna uitgeskakel, en by die eerste aanvoel van ‘n negatiewe emosie neem die inwoners ‘n soma, ‘n kalmeerdwelm. Nogtans is die Brave New World ‘n lelike wêreld.  Want daar is wel feitlik geen probleme en perfekte gesondheid, maar daar is ook nie menslike warmte of betekenis nie. Mense daar beleef byvoorbeeld nie ongelukkigheid omdat iemand na-aan hulle dood is nie, want hulle is nie na aan enigiemand nie. (Ander onderwerp: Ek het al gedink Brave Nuwe World bied ‘n uitstekende argument teen die vraag: “As God liefde is, hoekom laat hy pyn in die wêreld toe?”)

 

“Nuwe verbeterde” breine en “nuwe verbeterde” lywe, dink ek, is nie heeltemal genoeg om die  wêreld ‘n beter plek te maak nie. “Nuwe, verbeterde” harte is ook nodig.

 

5 responses to “Nuwe! Verbeterde! Koppe! Lywe! Harte?

  1. Nogal goeie gedagtes daai!

    Sommige mense voel “ons harte is nie reg vir hierdie of daardie tegnologiese vordering nie. Kan ons die vordering terughou?” Ek dink nie dit gaan sommer werk nie, die vordering lyk vir my onkeerbaar. So ek sit dikwels eerder en wonder… “ons harte is nie reg vir hierdie tegnologiese vordering nie. Kan ons harder werk om ons harte te ontwikkel om dit te kan hanteer?”

    Moeilike vraag. Geen maklike antwoord…

  2. (As ek jou reg verstaan, is dit ook wat jy vra? “Kan ons meer investeer in die ontwikkeling van ons harte, wat besig is om agter gelaat te word?”)

  3. Retha

    As jou bedoeling met “nuwe verbeterde harte” ook beteken ‘n “nuut herskepte hart” of ‘n “splinter nuwe gees”(die Heilige Gees) wat net by wedergeboorte deur God aan die mens gegee kan word, insluit kan ek nie anders as om volkome met jou saam te stem nie.

    (Mat 18:19) Weer sê Ek vir julle: As twee van julle saamstem op die aarde oor enige saak wat hulle mag vra, dit sal hulle ten deel val van my Vader wat in die hemele is.

    Op 21 Mei 2011 ontvang diegene vir wie dit voor die grondlegging so bestem was ‘n splinter nuwe verheerlikte liggaam ook…

    (1Co 15:51) Kyk, ek deel julle ‘n verborgenheid mee: Ons sal wel nie almal ontslaap nie, maar ons sal almal verander word,

    (1Co 15:52) in ‘n oomblik, in ‘n oogwink, by die laaste basuin; want die basuin sal weerklink, en die dode sal onverganklik opgewek word; en ons sal verander word.

    (1Co 15:53) Want hierdie verganklike moet met onverganklikheid beklee word, en hierdie sterflike moet met onsterflikheid beklee word.

    (1Co 15:54) En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning.

    (1Co 15:55) Dood, waar is jou angel? Doderyk, waar is jou oorwinning?

    “technology not out of this world”

    in ‘n split second…!

    WOW wat ‘n dag om na uit te sien!

  4. Hugo – ek dink ook so. (Jou pos nr. 1) My pos is nie teen tegnologie nie. Die boodskap is dat tegnologie, soos enigiets anders nie werklik ‘n sinvolle verskil maak as ons nie onthou wat die belangrikste is nie. ( Al het ek al die kennis, sonder liefde sal dit my niks baat nie)

    Johannes- jy snap wat ek bedoel.

  5. Amen.😉

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s