Michael Jackson – die grappies is onsmaaklik, maar is die heldeverering dalk onsmaakliker?

Tensy jy ‘n baie groot bewonderaar is, is jy seker al daarvoor moeg: Michael Jackson wat op TV en die media in jou keel afgedruk word. Dalk het jy selfs al die grappies gehoor. Onsmaaklike goed soos dat hulle hom gaan smelt en Lego-blokkies maak, sodat kinders met hom kan speel.

Is mense wat sulke grappe maak dalk jaloers op sy sukses, soos Rian van Heerden beweer? Is die grapmakers se gedrag slegter, of beter, as mense wat hom bewonder sonder om ‘n oomblik te dink aan misdaadklagtes teen hom? Kan mens redeneer dat mense wat sulke grappe maak, minstens gewalg is deur kindermolestering-klagtes, en die bewonderaars vergeet iets groots?

Ongeag of die molestasie-bewerings waar was of nie, dis onbeskryflik tragies- en totaal onnodig- as mense selfmoord pleeg oor die dood van ‘n sanger wat hulle nie geken het nie. Ja, hy was die top-albumverkoper van alle tye, maar watter ewigheidswaarde het dit?

Op die ou end is daar g’n dalk g’n rede om beroemdes soos helde te vereer nie. Hulle is ook maar net mense. Hulle maak ook foute- party erger as ander. Dalk is Karin Eloff reg dat ons eerder goeie polisiemanne, onderwysers, verpleegsters en paramedici moet vier– mense wat ‘n verskil in die samelewing maak elke dag.

One response to “Michael Jackson – die grappies is onsmaaklik, maar is die heldeverering dalk onsmaakliker?

  1. Ek is geneig om saam met Rian te stem en ek dink hy het dit baie goed gestel. Mense kan so kwetsend wees (ek dink die Engelse “vindictive” is beter), veral na iemand se dood. Rian som die mense wat so optree uitstekend op. Ek bemerk nou reeds lank hierdie tendens waar gewone mense (baie van beperkte intellek ,vir wie die kuberruim as spreekbuis dien) hulle absoluut verlustig in die skandes en foute van glanspersoonlikhede. Dis vir my absoluut ‘n siek tendens, want die einste mense, wat self vol van foute en sonde is en baie keer met ‘n kas vol skelette, neem gemaak die hoe morele grond in en oordeel, asof hulle eie lewens volmaak is. En dis nie asof hulle slegs foute uitwys nie – hulle verlustig hulle absoluut daarin en kry lekker. Dis hartseer dat soveel mense slegs beter oor hulself kan voel as hulle eers die dag saam met die massas hulle verlekker in ander se gebreke. Dit is SO ‘n negatiewe lewenshouding.

    Laat die dooie siele rus en laat veral Christene die laastes wees om die eerste klippe te gooi!

    Ek skryf nie bg. eintlik tov van MJ nie, maar oor die algemeen (soos ons ook onlangs oor die Joost-saga gesien het en destyds met Clinton in die VSA ens. ens.). Ek dink ook die heldeverering wat sterre ontvang ongebalanseerd is, maar ek dink nie ons (veral as Chrsitene) behoort enigsins en ooit mee te doen aan die verguising van ‘n ander nie. (ek weet dis nie wat jy insinueer nie, maar ek stel dit net as ‘n feit vir enigiemand wat hier lees).

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s