Category Archives: Idees vir Sondagskool Kleuterkerk Bybelklubs

Idees vir volwassenes wat kinders van God probeer leer

Kennisgewing: As jy hierheen kom op soek na kinderlesse vir Sondagskool/ kinderkerk

Hierdie tyd van die jaar soek baie mense my blog op omdat hulle lesreekse vir hulle kerk se kinderbediening of tienerbediening soek. Hierdie is ‘n kort inskrywing om jou te help met waar op die blog jy sulke goed kry;

Hier skryf ek my menings oor die kinderbediening-reekse wat ek al mee gewerk het:
Inleiding, Lesse wat Leef
Paidion
Modkats
AJK (Dit wat ek destyds “AJK Boeke genoem het oor dit nie ‘n eie naam gehad het om dit van ander reekse te onderskei nie, is klaarblyklik intussen opgedateer en word nou “Kennis Kategese” genoem.)
LP3
Wat ek voorstel as geskikte materiaal volgens jou gemeente se grootte, kategete se bereidheid om saam te werk, ens.
Inligting oor tiener- en kleuterboeke

As jy net vir nou dadelik ‘n gratis les of twee, drie soek oor julle handleidings nog nie aangekom het nie (of as jy spesifiek later vanjaar iets sou soek vir Kersfees of Paasfees), krap deur hierdie argief:

Wil jy weet waar om handleidings te bestel? Ek is nie ‘n verkoper nie, net ‘n kinderbediener. Kry Lesse wat Leef op die Fixit webblad, Paidion op die Paidion Kinderbediening blad, Modkats dalk op hulle blad as dit nog bestaan (hulle webblad is jare laas opgedateer). Kennis Kategese en LP3 op die Bybelmedia webblad.

Advertisements

Kinderbediening: Illustreer ‘n skeppingsles terwyl jy vertel

Baie lesreekse vir kinderbediening het ‘n skeppingsles aan die begin van die jaar. Hierdie is ‘n reeks stokkie-tekeninge, maklik genoeg vir die kunssinnig gestremdes (mense wat nie kan teken nie) onder ons, wat kinders help om die skeppingsgebeure en die dag wat dit gebeur het te onthou.

Hier wys ek nie hoe om die les aan te bied of watter toepassings om te gebruik nie, dus gaan die woorde kort wees. (Verwys na jou kategese/ kinderkerk handleiding vir jou les-boodskap.) Van die verduidelikings (die woord “skei”, wat wolke is, ens.) is bedoel vir kleintjies en dalk nie nodig vir jou klas nie.

Wat jy nodig het: ‘n Bord of blaaibord (‘n groot stuk wit papier tydelik op riffelkarton vasgesit is ook goed), 2 kleure kryte/ penne vir jou soort bord – die helderder een vir nommers en die ander een vir die res.

– – – – – – – – – – – – – – – – – – – – – – – –

 

Die begin: Die aarde was woes en leeg, maar die Gees van God was klaar daar. Die sirkel is die aarde se buitelyn.
Lees voort

Gratis kinderlesse vir advendstyd

As jy in hierdie tyd lesse moet aanbied vir kinders, loer gerus hier in. Die uitgewer van “Lesse wat Leef” het ‘n blog oor kinderbediening, en gee lesse weg om kinders met die Kersboodskap te bedien.

Aanbod geldig van 1-30 November.Kersfees

Christianstein (Toneelstuk vir gebruik deur kerke, Christelike kampe of ander Christelike byeenkomste)

Karakters:

Verteller

Professor E. van Gelies (dra bril, labaratoriumjas, het clipboard byderhand met lys van bestanddele)

Assistent (dra labaratoriumjas)

Christianstein

Toneel:

Stel labaratorium voor. As jy kan: laboratorium-bottels, proefbuise, ens. op ‘n tafel op die agtergrond. Voor op die verhoog is daar ‘n tafel. Daarop lê Christianstein, wat met ‘n laken tot by sy nek toegegooi is.

———————–

[Geluide van donderslae word gespeel. As die beligting dit kan doen, laat helder verligting die donkerte vir oomblikke onderbreek, soos bliksemflitse.] Lees voort

Geseënde Kersfees: Gratis volwasse inkleurprentjie

Geseënde Kersfees vir al my lesers. My persentjie vir julle is ‘n volwasse inkleur-Bybelvers om uit te druk.

gal5_22_23Mag julle Christus se genade, die liefde van die Vader, en die gemeenskap van die Heilige Gees in hierdie tyd en altyd ervaar.
Van Retha Faurie

Kinderles oor alles wees wat God jou roep om te wees: Kennisgewing

Ek het ‘n nuwe les uit oor om alles te wees wat God jou roep om te wees, en jou nie aan mensgemaakte beperkings te steur nie, maar dis in Engels geskryf en is beskikbaar hier:
https://biblicalpersonhood.wordpress.com/2016/11/12/being-all-god-made-you-to-be-lesson-idea-for-childrens-church-sunday-school-at-an-egalitarian-church/

Kinderles: Kleingroep-Aktiwiteit: Les oor wysheid (Gr. 2-6)

Die doel van hierdie aktiwiteit is om waarhede oor wysheid en wat dit is speel-speel vas te lê. (Bv. na die Bybelverhaal oor Salomo wat wysheid kies in 1 Kon. 3) 

Vooraf: Druk die vrae en die antwoordkaartjies op papier uit, knip die kaartjie-blad in 10 stukke.

Die kinders neem as individue deel, nie as ‘n span nie. Laat hulle in ‘n sirkel gaan sit, met die tien kaartjies onderstebo in die middel. Lees die eerste leidraad: Daar is ‘n verskil tussen wys wees en slim wees. Slim is om ….  Vertel hulle die antwoord waarna hulle soek. Dit help hulle om dwarsdeur die soektog op die antwoord te fokus.

Dan kry die eerste kind ‘n kans om ‘n kaartjie om te keer en hardop te lees. (As ‘n kind swak lees, lees jy namens hom.)

Met ‘n Gr: 4-6 groep: As dit nie is nie, draai sy die kaartjie weer onderstebo, en kry die volgende kind ‘n beurt. (Hulle moet konsentreer: Waar is die verkeerde kaartjies? Ek moenie weer daardie kaartjie omdraai nie…) Met ‘n Gr. 2 groep: Los verkieslik die omgekeerde kaartjies regop op die plek waar dit omgedraai is.  Met Gr. 3’s, besluit self hoe skerp jou groep is.

Herhaal, soos hulle beurte voortgaan, die waarheid van die vraag waarmee hulle besig is, bv. : “Daar is ‘n verskil tussen wys wees en slim wees. Slim is om … baie dinge te weet en om moeilike dinge te kan uitwerk”. Die kinders kry beurte in die sirkel tot die regte antwoord getrek word. Bespreek die antwoord. Haal daardie antwoord-kaartjie uit. As die ander kaartjies regop is, draai hulle weer onderstebo.

Herhaal met die 2de vraag, en elke volgende vraag. Soos die kinders begin onthou waar kaartjies is, en die kaartjies minder word, sal elke rondte korter word.

Vrae

1) Daar is ‘n verskil tussen wys wees en slim wees. Slim is om … baie dinge te weet en om moeilike dinge te kan uitwerk (soos moeilike somme)

2) Wys is om … goeie besluite oor die lewe te neem

3) Die wysste keuse wat mens kan maak is om … te kies om Jesus aan te neem.

4) As iemand jou sleg behandel … bly glo God het jou waardevol gemaak.

(By die bespreking-deel vertel jy dat dit ‘n wyse ding is om oor jouself te glo.)

5) As iemand iets voorstel wat na pret klink, maar iemand kan sleg seerkry … moet dit nie doen nie.

6) Die Bybelboek vol kort sêgoed oor wysheid is … Spreuke.
(Vertel hulle van hier af gaan al die vrae kort Spreuke-wyshede wees.)

7) Wysheid begin by … om die Here te dien

8) Liewer min hê en reg lewe … as baie inkomste hê deur onreg.

9) Die waarheid hou vir altyd… die leuen net ‘n oomblik.

10) Yster slyp yster… vriende vorm mekaar

wysheid