Tag Archives: tyd om te praat

‘n Tyd om te praat – vir geregtigheid

Senator Stuart Syvret is ‘n kontroversiële man in sy omgewing. Eens op ‘n tyd was hy minister van gesondheid en welsyn van Jersey, ‘n Britse eiland. Hy het maar min resultate bereik in sy pos, volgens Jersey -inwoners.

Nadat hy uit sy pos gedwing is het hy onthul, of beweer, dat sy personeel belangrike inligting waarvan hy sou kon werk maak doelbewus van hom weggehou het. Toe hy deur ander kanale van ernstige probleme bewus word, het ander politici toutjies getrek om van hom ontslae te raak. Toe begin hy om sy verhale deur sy blog te vertel.

Verhale van dekades lange kindermishandeling wat toegesmeer is in Jersey se kinderhuise. Verhale van korrupsie. Van moord op bejaardes in hospitale. Hy beskuldig minstens een parlementslid by die naam van kindermishandeling. Onder sy ondersteuners is ‘n groot groep oorlewendes wat beweer dat hulle in die Haut de la Garenne kinderhuis op die eiland mishandel is.

Ten minste ‘n deel van sen. Syvret se inligting het hy in ‘n amptelike en konfidensiële hoedanigheid gekry. Om dit nou te blog, is krimineel.Maar die senator het sy keuse gemaak. Hy dink dat konfidensiële data uitlap ‘n kleiner misdaad as stilbly is.

Die regering het vir Stuart gearresteer en sy huis deursoek, oor hy hierdie beskuldigings maak. Na dit het hy weggehardloop van die eiland. Hy beweer hy sal terugkeer “when there is a straight and impartial court.” Hy blog nog steeds, en praat nog steeds oor geregtigheid en openlikheid in Jersey.

Onder die dinge wat Stuart op sy blog vertel, is die volgende:

People who imagine themselves to be fine, Christian pillars of society – regard me as some kind of monster – because I’m “impolite” – in speaking out, bluntly, against people who commit and conceal such crimes as sodomising mentally ill school boys in public lavatories.

 

I’ve never made any secret of the fact I’m not religious – but I do think about philosophical and ethical questions – and how many people respond with spiritual views to such issues. My understanding of Christianity is, therefore, imperfect. But I venture this view.

If all we are told of Christ is true – I would have vastly more chance of entering heaven than the average – soi disant – Jersey Christian.

To me – a real Cristian was Dr. Martin Luther King. A man given to genuine commitment and struggle for Christian values.

As opposed to the safe, middle-class and hypocritical charade we see from well-provisioned pretenders.

Want to understand what I mean? Copy and go to this YouTube clip – if you want to see – and understand – what a real Christian does. http://www.youtube.com/watch?v=x1L8y-MX3pg

Dr. King was murdered – as he knew he would be – shortly after making this speech.

Watch and listen to this man – then talk to me about your “Christianity”.

Nader aan die huis hoor ek van ‘n ander saak: ‘n jong volwassenne wat ‘n ouer man van jarelange molestering as kind aangekla het. Daar is mense wat wil getuig wat hulle gesien en gehoor het, en dat hulle die jong klaer glo. En die ouer man se ondersteuners vertel vir die mense wat wil getuig: “Hoe kan julle ‘n gelukkig getroude man se naam ruineer met sulke stories? Sies vir julle.” Want die beskuldigde is oënskynlik gelukkig getroud. Die jong mens wat beskuldig, is nie getroud of gelukkig nie.

Hierdie ondersteuners gaan selfs sovêr as om te vertel dis “onchristelik” om iets te wil vertel wat iemand kan laat sleg lyk. Ek weet nie of beskuldigde of klaer hier die waarheid praat nie, ek was nie daar om te sien jare terug nie. Maar daardie selfde mense wat reken dat dit “onchristelik” sal wees om die “goeie gesinsman” te laat sleg lyk met nare stories, gee klaarblyklik nie om dat mense nare stories oor die klaer glo nie. Want hulle vertel die klaer is ‘n gewetenlose leuenaar, uit om ‘n “respektabele man” te ruineer.

 

Wat is dan die Christen se plig in sulke sake? Wel, die gelowige het nie ‘n stilbly-plig nie, maar ‘n plig om te “honger en dors na geregtigheid.” Is Senator Syvret reg? Weet die mense wat wil getuig vir die beweerde gemolesteerde, die waarheid? Ek weet nie. Maar ons het ‘n plig om geregtigheid te soek(1), om die regsaak van die “weduwee en wese” te behartig(2), om nie op die uiterlike (geld, respektabelheid, ens.) te oordeel nie(3). Die Christen het nie ‘n mandaat om stil te bly ter wille van gaafheid nie.

CS Lewis het vertel:

The most dangerous thing you can do is to take any one impulse of your own nature and set it up as the thing you ought to follow at all costs. There’s not one of them which won’t make us into devils if we set it up as an absolute guide. You might think love of humanity in general was safe, but it isn’t. If you leave out justice you’ll find yourself breaking agreements and faking evidence in trials “for the sake of humanity” and become in the end a cruel and treacherous man.

Of andersins sal jy bewyse verswyg en dooddruk ter wille van “humanity” -spesifiek die mense aan wie se kant jy is.

 

Nee, ons moenie “gaaf” wees, saggeaard wees, lelike goed miskyk, gelyk stel met Christenskap nie. Om te soek na geregtigheid is deel van Christenskap.

– – – – – – – – – – – – – – – – – – – – – – – – – – – – – – – – – – – – – – – – – – – – –

(1) Matteus 5:6

(2) Jakobus 1:27

(3) Jakobus 2:9; 1 Sameul 16:7b

Advertisements

‘n Tyd om te praat: Robbie Klay, molestering, stilswye en kriminele nalatigheid(2)

‘n Tyd om te praat: Robbie Klay, molestering, stilswye en kriminele nalatigheid(2)

Laasweek het ek geskryf dat mense wat kindermolestering vermoed, en nie ‘n vinger verroer om dit stop te sit nie, krimineel nalatig is. Dit het ek gesê na aanleiding van iemand wat duidelik rede gehad het om te vermoed Robbie Klay word misbruik. Hierdie week se Huisgenoot het ‘n nog meer direkte stelling in, deur “‘n bekende” wat saam met oom Jurie gewerk het: “.. baie mense het vermoed die oom molesteer Robbie. Ek het geweet Robbie Klay is ‘n seuntjie wat met wie hy lol. Almal het geweet, maar het stilgebly. Niemand kon iets bewys nie.”

Ek besef mens kan nie ‘n saak aan die groot klok hang op sulke suspisies nie, maar mens kon ‘n vertroulike gesprek met sy ma gehad het. As almal geweet het, moes almal nie stil gebly het nie. Ek wens mens kon almal wat stil gebly het ook voor die hof daag. Waar was almal toe Robbie as seuntjie hulp nodig gehad het?

Maar dis verlede tyd. Die saak wat belangrik is, is nóú. Het jy wat nou hier lees, enige rede om te vermoed ‘n kind wat jy ken word gemolesteer? En wat gaan jy daaraan doen?

 

‘n Tyd om te praat: Robbie Klay, molestering, stilswye en kriminele nalatigheid

Die jong sanger Robbie Klay het onlangs gesê dat iemand hom jare lank seksueel misbruik het sedert hy tien was. Party mense vra hoe hy dit kon toelaat om aan te hou gebeur tot hy 17 was, en dat ‘n outjie van 16 of 17 mos genoeg weet om te protesteer en nee te sê. Maar molesteerders maak juis werk daarvan om met kinders se koppe te smokkel. Hulle moet, om weg te kom daarmee en om die kinders te “programmeer” om stil te bly. ‘n Seun van 16 of 17 wat nooit gemolesteer is nie kan seker vinnig ontslae raak van iemand wat hom wil begin molesteer. Maar ‘n kind wat van kleins af stilbly oor misbruik, en geleer is om stil te bly daaroor, se kop is (doelbewus- deur die vuilgoed wat hom/ haar misbruik) so opgemors dat hy/sy nie helder kan dink oor die probleem nie.

Maar ek wil tog iemand blameer vir stilswye: Geen prys vir die “gesiene lid van die vermaakgemeenskap”, wat duidelik gesien het hoe ‘n twaalfjarige Robbie Klay oor en oor vasgedruk word en die “oom” sy mond teen Robbie se nek druk nie. Die misbruiker het nog duidelik vir die “prominente lid van die vermaakbedryf”, vertel hoe “lief” hy vir die kind is. Kon daardie persoon nie dadelik vir Robbie se ma/ die polisie gesê het wat hy gesien het nie? Ek meen, iewers moes dit tog waarskuwingsklokkies in ‘n volwasse toeskouer se kop laat lui het? Dit is krimineel nalatig om anderpad te kyk as jy  rede het om kindermolestering te vermoed.

En as hierdie persoon so iets waargeneem het to Robbie 12 was, het ander mense dit nie ook gesien nie? Hy kon dan seker ook ander kere voor mense begin vroetel het? Dalk het iemand al iets soortgelyk gesien gebeur toe Robbie 10 of 11 was. As ander dit ook gesien het, het daardie persone ook gekies om weg te kyk en niks te doen om die seuntjie te help nie. G’n wonder dat gemolesteerde kinders soms die idee kry dat dit wat gebeur maar “normaal” is nie- mense wat sien hoe daar met hulle gevroetel word doen dan niks!

(Hoewel meeste van die media net die naam van die molesteerder impliseer, sien ek dat Rapport se webblad wel die naam noem. Meeste koerante en tydskrifte sê: “Ons mag nie sê wie die beweerde molesteerder is nie. Jurie Els se interdik keer ons om die molesteerder se naam te noem.” Hierdie Rapport-berig sê: ” Jurie Els [het] geslaag met ’n hofaansoek wat Huisgenoot/You verbied het om te publiseer dat hy (Els) die “oom” is van wie Klay in ’n koerantonderhoud gepraat het. En die Rapport-berig het die 16de op hulle webblad verskyn, terwyl die Huisgenoot met die name-doodgetrek-berig eers die 18de op straat was. )

Terug na die onderwerp van stilbly wanneer jy moet praat: Wat meer is, iemand noem selfs nou in ‘n blog-kommentaar dat Els “onder ‘n wolk” weg is by die laaste skool waar hy klas gegee het. ( Hy was eers ‘n onderwyser.) As hulle daarmee bedoel dat daar rede was om hom van molestering te verdink, waarom het niemand van daardie skool probeer om dit onder sy ma se aandag te bring toe die media noem dat Jurie Els hierdie seuntjie van 10 “onder sy vlerk neem” nie?

Iemand, iewers het sekerlik redes gesien om suspisieus te wees. Iemand, iewers het sy of haar kop weggedraai. Die resultaat was ‘n outjie wie se kop so opgemors was dat hy al 16 en pa was, maar nog steeds nie geweet het hoe om ontslae te raak van die lastige oom nie.As daardie “gesiene lid van die vermaakgemeenskap” dadelik alarm gemaak het, kon die molestering na twee jaar opgehou het, eerder as na sewe. Laat dit vir ons ‘n les wees om nie ons koppe weg te draai nie. Ons wat grootmense is, moet ons oê oophou. Ons moet sê as iets nie pluis lyk nie. Kinders kan nie alleen hierdie stryd wen sonder grootmense se hulp nie.

“And if you stand by watching without even trying to help them, then you’re guilty too.”- Uit die liedjie “Look what they do to my children”